Manifestazione pubblica per la difesa della Sanità veneziana dai tagli pubblici organizzata da 40Xvenezia e Venessia.com dando spazio a tutte le Associazioni che si battono per la Sanità a Venezia.
Da facebook il punto di vista di Cesare Colonnese in dialetto:
Amici amanti del click….ma come? Vi altri che clicche’ me piase su tutto…..su questa manifestasion no clicche’?
Gave’ capio de cossa che semo drio parlar?Dea Sanita,del vostro ospeal,dee vostre dificolta’ nei momenti piu’ fragii dea vostra vita:quando che ste poco ben!
Eh certo, perche’ ancuo, grasie al Signor semo tuti in saeute, pero’ purtroppo pol sucedar de aver bisogno de qualsiasi robba…
E co se ga bisogno de qualsiasi robba….tac! Se se rende subito conto dee precarieta’, parche’ se va a sbaterghe col muso dentro. Ti ga poco da tocarte…che te vedo!
Eora dove’ essarghe tutti cal giorno. Un posto leto,un esame importante,ea posibiita’ de aver e strutture sotto casa ga da esar un dirito de tutti e non soeo dei priviegiai. Ragiunger el maea’ e farghe compagnia e asisterlo… ga da esar un dirito de tuti e non soeo dei priviegiai. Per questo no se pol far de manco dell’ospeal nel cuor de Venexia.
Ma no se pol spetar sempre che sia i altri a mover e ciappe…. e ciappe dovemo moverle tutti perche’ ea saeute se un diritto de tutti e difendarla xe anca un dover.
Venexiani….amighi mii… clicchemo tante de quee bueae su sto fb… che no podemo sotrarse dal clicar (cioe’ dall’aderir) a calcossa che ne coinvolge tuti. Tuti: sensa distinsion de eta’, de seso e de tacuin.
Miga massa, perche’ magari chi che el tacuin lo ga a fisarmonica sara’ come sempre priviiegia’…. parche’ el pol farse visitar e pagar dove che el vol. Questa xe ea verita’.
Eora cal giorno ti ghe ga da esar anca ti, no xe importante, xe indispensabie!
Mi ghe saro’. Ma se ti no ti vien….ME OFENDO!
Parche’ se ti xe venetian no ti pol esarlo soeo a ciacoe, ti ga da essarlo anca a fati!
Co Afeto el vs. Cesare
